تحدي 29 يوم _اليوم العاشر
هلو ياب شلونكم ...
 |
رجعنا من جديد وياكم محمدصادق صارلي 10 ايام بهذا التحدي، انجزت الكثير والكثير والمزيد من الكثير من الامور الي جان هدفي من بداية التحدي اتعلم البرمجه والتحدث باللغة الانكليزية ...
وصلنا لليوم 10 وراح اشرحلكم التقدم الي انجزته
خلال العشر ايام الي فاتت جنت اكعد ع التحدي مايقارب 6_8 ساعات يوميا ولحد الان بالبرمجه كدرت اول 3 ايام اتعرف على لغة الـHTML بعدها انتقلت وتعرفت على لغة الـ CSS بعدها تعرفت على لغة الـ JAVASCRIPT بعدين كلت بيني وبين نفسي ليش مااطبق الي تعلمته، وكدرت اسوي اول صفحه HTML مع CSS ورفعتها عن طريق الكوكل درايف وكدرو الاصدقاء يشوفوها وينطوني رائيهم بيها وانتقاداتهم على الاخطاء الي بيها حتى اصححها اعتمدت بالبرمجه على موقع برمج.كوم فادني كلش خصوصا انه مبتدأ بالبرمجه كلش هواية اصرف كلش ههه المهم انصح الي مايعرف كلشي بالبرمجه يبدي من موقع برمج.كوم لكن كل هذا واني ماراضي عن التقدم البطيء الي انجزته بسبب انقطاع الكهرباء اخر 5 ايام حرفيا لم انجز شي يستحق الذكر
اما اللغه الانكليزية اول 3 ايام كدرت احفظ مايقارب 200_300 جمله انكليزية بعدين عرفت ان حفظ الجمل مامنها فايده
لكيت تطبيق اسمه busuu وصلت بيه المستوى 40 بالمستوى الاول وتحسنت كلش باللغة الانكليزية
وبعدين تعرفت عن طريق احد الاصدقاء على قناة تعلم الإنجليزيةمع مراد هاي القناة هواية هواية هواية وبعد هواية استفاديت منها بشكل مو طبيعي صدك يعني مدرس ناجح بالبداية جنت اشوفه ماافهم عنه شي لان اني حاط ببالي مايفهم ماحاولت افهم بس بعدين كلت خلي اجرب مااخسر شي وصدك جربت ونجحت طلع استاذ متميز بمعنى الكلمه ويدخل المعلومه لو تطير مثل مانكول ...
التقدم الي حققته باللغه الانكليزية تقريبا راضي عليه يوميا ادرس 3 ساعات تقريبا انكليزي ....
•الاستمرار على النحاح
•التعاون مع من يحتاج المساعده
•تستطيع انجاز اي شي تريده انت
•كل مافي تفكيرك تستطيع ان تجعله حقيقي بالبداية حسيت بصعوبه التحدي بس تدريجيا فقدت هذا الاحساسوصار شي طبيعي وصار روتيني اليومي اتحدى نفسي مازلت وباقي على هدفي الي بديت بيه حتى اخلصة واكون متفوق بيه انشالله بدعمكم
واخيراً وليس اخراً اني ممتن :
•لـ احمد البشير لان عرفنا على مرتظى
•ولـ مرتظى لان سوو هذا التحدي وعرفنا على ناس رائعين قليل بحقهم
•وللـ الاصدقاء الي مشاركين وياي بالتحدي لان عظماء بمعنى الكلمه
اني واثق من نفسي احقق الشي الي دخلت بيه للتحدي بأذن الله
تعليقات
إرسال تعليق