تحدي الـ29 يوم _اليوم 20
هلوو شلونكم ...
انا محمدصادق رجعتلكم من جديد باليوم الـ20 من التحدي
انا كل يوم ادرس من 6 الى 8 ساعات يوميا برمجه + لغة انكليزية هدفي جان ببداية التحدي ان انهي هذا التحدي واني متعلم شغله جديده ومطور من نفسي حتى لو بشيء بسيط،
حققت تقدم خلال الـ20 يوم الي فاتت بس التقدم الي حققته مامقبول لان هواية سختت جان المفروض التزم كلش بس ضروف البيئة الي بيها مسمحت مع ذالك مستمر
تعلمت برمجه صفحات ويب بواسطه لغة HTML,CSS,JAVASCRIPT عن طريق هذا الموقع تعلمت شلون افهم الاكواد وبرمجة اول صفحة ويب الي وراح اكون ممنون لو تنطوني رايكم بيها...
وكذلك باللغه الانكليزية مثل ماذكرت بالمنشور السابق حفظت مايقارب 300 جمله بس مجانت مفيده التجئت الى حيله الاسئله الي شرحها الاستاذ مراد بهذا الفيديو حفظت مايقارب الـ50 سؤال قابل للتغيير حتى يصبح المجموع تقريبا 200 سؤال بذلت جهدي بهذا التحدي لانه اول تحدي من هذا النوع امارسة لذلك شفته حلو ومفيد وراح استمر عليه انشالله طبعا بالمناسبة ماراضي ع التقدم مالتي كلش لان هواية جاي اضيع وقت بسبب الضروف الي امر بيها انشالله اصير احسن واقدم افضل بالفترة المقبله بس مو مناسب للوقت الي وضعته انا...
تعلمت من هذا التحدي ان الانسان مهما يملك شهادات وخبرات راح يحتاج اشياء اكثر واكثر من الي هو عليه
تغمرني مشاعر الفخر بنفسي لان دخلت بهذا التحدي وتحديت نفسي على ترك الاشياء الملهية والمضيعة للوقت فخور بنفسي لان عرفت شلون استغل وقتي بتطوير نفسي اكثر واكثر مع الضروف والاوقات الصعبة الي نمر بيها والانترنت الضعيف والحر وكلشي واكف بطريقنا بس احنا مستمرين نحو الافضل انشالله مايوكف بوجهنا شي وهدفي الي دخلت بيه للتحدي هو نفسة الهدف الحالي ومستمر بيه وبقوة
غيرت طريقتي بالانكليزي وهي تعلم الجمل الى تعلم الاسئله القابله للتغيير
انا واثق بنفسي راح احقق هدفي وحتى اذا احققته خلال فترة التحدي استمر عليه حتى احققه خلال ...
الـ10 ايام الجاية انشالله راح اكون قادر على التحدث مع الاخرين واتقان بعض الاكواد المهمه ببرمجه صفحات الويب انتظرونا بعد 10 ايام وراح نشوف نخلص الشيء الذي خططنا له ام لا ....
بالنهاية انا ممتن :
•للاصدقاء الي ساعدوني
•لمرتظى وفريقه ع الدعم الي يقدمونه
•ممتن لصحتي الي مخليتني اقاوم واستمر
وشكراً جزيلاً للقراءة
تعليقات
إرسال تعليق